Um Skriðu

Skriða er bókaútgáfa, prentverkstæði og vinnustofa staðsett við Eyrargötu á Patreksfirði. 

Skriða var stofnuð árið 2019 af kettinum Skriðu sem bókaútgáfa, þá starfrækt í einu herbergi í heimahúsi. Síðan hefur Skriða vaxið og dafnað og í dag er hún með verkstæði í gömlum beitningaskúr við Eyrargötu á Patreksfirði, skammt frá höfninni. Á verkstæðinu eru ýmis tæki og tól til prentunar, bókbindingar og myndlistarvinnu, þar er einnig lítil verslun með bókum, prentverkum og ritföngum.

Nýjustu bækurnar frá Skriðu (frá 2024) eru prentaðar á Riso-prentvél á umhverfisvænan pappír og handsaumaðar. Það er Skriðu hjartans mál að nýta allt efni sem fellur til við prentunina í önnur verkefni, s.s. í skissubækur, rifblokkir, teikniblokkir og nýjan handgerðan pappír. Bækurnar frá Skriðu eru prentaðar og saumaðar eftir eftirspurn til þess að sporna gegn offramleiðslu og sóun. Aðalmarkmið Skriðu er að miðla kærleika í gegnum bókmenntir og listir.

Vinsamlegast athugið að Skriða vinnur í hæglæti og eftir eftirspurn, það getur því tekið mislangan tíma að fá vörur afgreiddar, eftir því hvort þær eru til á lager eða ekki.

Á verkstæðinu vinna aðeins tveir starfsmenn, Birta Ósmann Þórhallsdóttir og hundurinn Vísa.

Hafa samband:
skridabokautgafa@gmail.com