Miðbæjarrottan: Húsin í bænum eftir Auði Þórhallsdóttur

Þriðja bókin í barnabókaflokknum um miðbæjarrottuna eftir Auði Þórhallsdóttur, sem einnig myndlýsti.

Rannveig hittir fyrir gamlan fjóskött sem saknar sveitarinnar og segir húsin í Reykjavík vera ljót og leiðinleg. Hún er að vonum undrandi yfir þessum yfirlýsingum en með aðstoð ömmu Bardúsu tekst þeim að sýna honum að ævintýrin leynast víðar en bara í sveitinni og allt í einu fara húsin í bænum að taka á sig aðra mynd.

Auður Þórhallsdóttir er fædd árið 1974. Hún hefur einnig gefið út tvær aðrar bækur um miðbæjarrottuna, barnabókina Með vindinum liggur leiðin heim, barnabókina Sumar með Salla og tvímála barnabókina Tönnin hans Luca/El diente de Luca ásamt Pilar Concheiro.